ՎԱՐԴԳԵՍ ՍԵՐԵՆԿՅՈՒԼՅԱՆ (1871,Կարին-1915,Ուրֆա)
Ազգային-ազատագրական շարժման գործիչ:ՀՀԴ կուսակցության անդամ:Սովորել է Կարինի Արծնյան,ապա` Սանասարյան վարժարաններում:Եղել է 1890-ի Կարինի ցույցերի կազմակերպիչներից,որի համար ձերբակալվել է:1892-ից,բանտից ազատվելուց հետո,անցել է Կ.Պոլիս:Մասնակցել է օսմ.բանկի գրավման նախապատրաստական աշխատանքներին:
Գործել է Բուլղարիայում,Թիֆլիսում,Ալեքսանդրապոլում,Կարսում,1901-ից` Վանում:Իր գործունեության ընթացքում խուսափել է մասնակի կռիվներից և գաղտնի նախապատրաստվել է ընդհանուր ապստամբության(Հրայրի հետ կազմել է ապստամբության կանոնագիրք):
Գործակցել է արմենականների հետ:Հաջողության է հասել հայ-քրդական համագործակցության հարցում:1903-ին Վանում ձերբակալվել է և դատապարտվել 101 տարվա բանտարկության:
1908-ին ազատվել է բանտից և անցել Կարին,որտեղ և ընտրվել է օսմանյան խորհրդարանի երեսփոխան:1915-ին թուրքերը ձերբակալել են,տարել Ուրֆա,որից ոչ հեռու` Գարաքեոփրի վայրում խոշտանգել և սպանել են:
No hay comentarios:
Publicar un comentario